شروط الاستعمال

آخر تحديث: 18 شتنبر 2026

01قبول الشروط

ملي كتستعمل تطبيقات Fawlo (تطبيق الزبناء) ولا Fawlo Driver (تطبيق السائقين)، كتوافق على هاد الشروط. إلا ما كنتيش موافق، ما تستعملش الخدمة.

02طبيعة الخدمة

Fawlo هي منصة وساطة كتربط بين شخص باغي يصيفط سلعة و سائق متحقق منو (مستقل ولا تابع لشركة). Fawlo ماشي شركة نقل و ماشي مشغل للسائقين — السائقين كيخدمو بصفتهم مستقلين.

03الحساب

• خاصك تكون عندك 18 سنة على الأقل.
• المعلومات اللي كتعطي خاصها تكون صحيحة.
• الكود الشخصي (PIN) ديالك مسؤوليتك — ما تعطيه لحتى واحد.
• حساب واحد لكل رقم هاتف، و جهاز واحد نشيط ف نفس الوقت.

04الطلبيات و الخلاص

• الثمن كيتحسب على أساس المسافة و كيبان قبل التأكيد.
• الخلاص كيتم مباشرة مع السائق، عادة بالكاش.
• الإلغاء من بعد ما السائق يبدا الطريق ممكن يخلي عليك مصاريف.

05السلع الممنوعة

ممنوع منعا باتا تصيفط عبر Fawlo:

• المخدرات، الأسلحة، ولا أي حاجة ممنوعة قانونا.
• الفلوس السائلة، الذهب، ولا المجوهرات ذات القيمة العالية.
• الكائنات الحية و المواد الخطيرة (مواد ملتهبة، كيماويات).
• أي سلعة كتخالف القانون المغربي.

Fawlo كتحتفظ بالحق تسد أي حساب كيخرق هاد القاعدة، و تتعاون مع السلطات.

06التزامات السائق

• وثائق صالحة: البطاقة الوطنية، رخصة السياقة، البطاقة الرمادية.
• احترام قانون السير و التعامل بأدب مع الزبناء.
• عدم فتح السلعة ولا تغييرها.
• احترام أكواد الاستلام و التسليم.

07المسؤولية

السائق هو المسؤول على السلعة من لحظة الاستلام حتى التسليم. Fawlo كتوفر أدوات التتبع، الأكواد و صورة التسليم باش تحمي الطرفين، و لكن ما كتضمنش تعويض عن الأضرار إلا فالحالات المنصوص عليها ف سياسة النزاعات.

08السلوك

ممنوع: التحرش، السب، التمييز، ولا أي سلوك عدواني داخل الشات ولا خارجو. أي خرق كيأدي لسد الحساب مباشرة.

09الخصوصية

معالجة المعطيات الشخصية موصوفة ف سياسة الخصوصية، طبقا للقانون المغربي 09-08.

10Fawlo Store: الطلب من المواقع ديال المحلات

• البائع هو المحل. Fawlo كتوفر الموقع، النظام ديال الطلبات، و السائقين اللي كيوصلو.
• قبل ما تصيفط الطلب، كتشوف الثمن كامل: السلعة + التوصيل (5 درهم للكيلومتر، و أقل ثمن 15 درهم). ما كاين حتى ثمن مخبي.
• الخلاص كاش للسائق ملي يوصلك الطلب.
• الخضرة و الفواكه كتوزن ف المحل. إلا تبدل الثمن، كيتسولك و كتوافق قبل ما يخرج الطلب.
• الكود ديال التسليم ما تعطيه للسائق حتى تستلم السلعة.
• إلا ما جاوبتيش على السائق ولا رفضتي الطلب بلا سبب: تحذير ف المرة اللولة، و ف المرة الثانية الرقم كيتوقف ف Fawlo Store.

11الإلغاء و الاسترجاع (Fawlo Store)

• الإلغاء: تقدر تلغي الطلب من صفحة التتبع قبل ما يبدا المحل يوجدو، بلا حتى خلاص.
• ما وصلكش الطلب: ما كتخلص والو، حيت الخلاص كيكون غير عند التسليم.
• السلعة خاسرة، ناقصة ولا ماشي هي اللي طلبتي: بلغ من صفحة التتبع («بلغ على مشكل») ف نفس النهار. الإدارة كتشوف المشكل مع المحل، و كتقرر: ترجيع جزء من الثمن ولا كامل، ولا تبديل السلعة.

12تعديل الشروط

ممكن نبدلو هاد الشروط. إلا كان التغيير مهم، غادي نعلموك داخل التطبيق قبل ما يطبق.

13القانون المطبق

هاد الشروط خاضعة للقانون المغربي، و المحاكم المغربية هي المختصة ف أي نزاع.

14التواصل

[email protected]