كيفاش كنجمعو، كنستعملو و كنحميو المعطيات ديالك ف تطبيقات Fawlo.
Fawlo هي منصة توصيل ف المغرب كتربط الزبناء بسائقين متحقق منهم — مستقلين ولا تابعين لشركات توصيل. هاد الوثيقة كتشرح بالضبط شنو كنجمعو من المعطيات، علاش، و شنو هي الحقوق ديالك.
هاد السياسة كتطبق على:
ma.fawlo.customer) — التطبيق ديال الزبناء: كتصيفط و كتستقبل الطلبيات.ma.fawlo.driver) — التطبيق ديال السائقين و الشركات.ayoub.fawlo.ma). التفاصيل ف القسم 13.| المعطى | شكون | علاش |
|---|---|---|
| الاسم و رقم الهاتف | الزبون و السائق | إنشاء الحساب، الدخول، و باش السائق و الزبون يتواصلو ف الطلبية |
| تاريخ الازدياد | الزبون | باش نتأكدو بلي عندو 18 عام و كثر، ملي كيتسجل |
| الموقع الجغرافي (GPS) | الزبون و السائق | حساب الثمن و المسافة، عرض السائق ف الخريطة، و التتبع الحي ديال الطلبية |
| عناوين الالتقاط و التسليم | الزبون | تنفيذ الطلبية |
| البطاقة الوطنية، رخصة السياقة، البطاقة الرمادية | السائق فقط | التحقق من هوية السائق قبل ما يخدم — شرط أمان إجباري |
| البطاقة الوطنية (الرقم، الوجه و الظهر) | الزبون، إلا وثق الهوية ديالو | التحقق من هوية الزبون |
| صورة الوجه (سيلفي) | السائق فقط | الإدارة كتقارنها بالعين مع البطاقة الوطنية باش تتأكد أن صاحب الحساب هو اللي كيسوق. ما كنديروش بيها تعرف آلي على الوجه |
| أكواد الاستلام و التسليم | الطرفين | إثبات أن السلعة تسلمات للشخص الصحيح |
| صورة التسليم | السائق | دليل ديال التسليم، كايتحفظ ف الطلبية |
| الرسائل داخل الطلبية | الطرفين | التواصل حول الطلبية |
| التنقيط و الملاحظات | الطرفين | جودة الخدمة |
| معرف الجهاز و رمز الإشعارات | الجميع | إشعارات الطلبيات، و منع استعمال الحساب ف بزاف ديال الأجهزة ف نفس الوقت |
| حالة البطارية و جودة الشبكة | السائق فقط | باش النظام يعرف واش السائق قادر يكمل الطلبية |
| المعاملات المالية | السائق | حساب المداخيل ديال السائق |
ما كنجمعوش: معطيات بنكية، جهات الاتصال ديال الهاتف، الصور ديال المعرض (غير اللي كتصيفطها نتا بيدك)، ولا تاريخ التصفح.
ف تطبيق السائق: الموقع كايتحدث ملي تكون أونلاين و خدام ف طلبية، باش الزبون يقدر يتبع السلعة ديالو. ملي تخرج أوفلاين، التحديث كايوقف.
ف تطبيق الزبون: الموقع كايتستعمل غير ملي تكون فاتح التطبيق — باش يتحدد عنوان الالتقاط و يتحسب الثمن.
تقدر تحيد إذن الموقع من إعدادات الهاتف ف أي وقت، و لكن بلاه التطبيق ما غاديش يقدر يخدم.
السائق باش يخدم ف Fawlo خاصو يصيفط صور ديال البطاقة الوطنية، رخصة السياقة و البطاقة الرمادية، و صورة ديال الوجه (سيلفي) كتتصور ف التطبيق بالكاميرا ديال القدام. هاد الوثائق:
بين الزبون و السائق: الاسم، رقم الهاتف و الموقع — غير ديك الطلبية و غير مدة ما تكون خدامة. و إلا كان السائق تابع لشركة، المسير كايشوف الطلبيات و موقع الأسطول ديالو.
باش تخدم الخدمة، كنعتامدو على هاد المزودين التقنيين:
ما كنبيعوش المعطيات ديالك لحتى شي جهة، و ما كنستعملوهاش ف الإشهار.
المعطيات ديالك كاملة، بما فيها الوثائق ديال السائقين، الطلبيات، الرسائل و صور التسليم، مستضافة ف الاتحاد الأوروبي (Amazon Web Services، فرنسا).
ما كيتنقلو للولايات المتحدة غير أنواع محدودة ديال المعطيات، عند مزودين خاضعين لضمانات الحماية:
هاد النقل خاضع لضمانات مناسبة، بحال الإطار عبر الأطلسي لحماية المعطيات (EU-US Data Privacy Framework) و البنود التعاقدية النموذجية. أما الوثائق ديال التحقق، الرسائل اللي كتبدلو داخل الطلبية، و المعاملات، ما كيتنقلوش لهاد المزودين.
طبقا للقانون رقم 09-08 المتعلق بحماية الأشخاص الذاتيين تجاه معالجة المعطيات ذات الطابع الشخصي، و كذلك — إلا كنتي ساكن ف الاتحاد الأوروبي — اللائحة العامة لحماية البيانات (GDPR)، عندك هاد الحقوق:
باش تمارس هاد الحقوق، راسلنا على [email protected]. كنجاوبو ف أقرب وقت و ف الآجال اللي كيحددها القانون.
إلا شفتي أن المعالجة ديال المعطيات ديالك ما كتحترمش القانون، عندك الحق تقدم شكاية عند اللجنة الوطنية لمراقبة حماية المعطيات ذات الطابع الشخصي (CNDP) ف المغرب. و الساكنين ف الاتحاد الأوروبي يقدرو يلجؤو لسلطة المراقبة ف البلاد ديالهم.
تقدر تحذف الحساب و المعطيات ديالك ف أي وقت:
كنجاوبو ف أجل أقصاه 30 يوم. المعطيات المرتبطة بطلبيات مكملة (المبلغ، التاريخ) ممكن تبقى محفوظة للضرورة المحاسباتية و القانونية، بلا المعطيات الشخصية.
Fawlo ماشي موجهة للأقل من 18 سنة، و ما كنجمعوش بمعرفتنا معطيات ديال القاصرين.
Fawlo Store كتعطي لكل محل موقع خاص بيه (بحال ayoub.fawlo.ma) باش الكليان يطلبو منو، و السائقين ديال Fawlo كيوصلو. Fawlo هي اللي كتسير المعطيات ديال هاد المواقع.
| المعطى | شكون | علاش |
|---|---|---|
| السمية، الرقم، الإيميل، العنوان و البلاصة ديال المحل | التاجر | إنشاء الحساب، التحقق من المحل، و عرض الموقع ديالو |
| ICE، RC/IF، RIB | التاجر | التحقق من النشاط التجاري و تصفية الحسابات |
| اللوگو، التصاور و المنتوجات | التاجر | عرضهم ف الموقع ديال المحل |
| السمية، الرقم و البلاصة ديال التوصيل | الكليان ديال الموقع | توجيد الطلب و التوصيل. المحل و السائق كيشوفو الرقم غير ف وقت الطلب |
| الرقم ديال الكليان اللي ما جاوبش ولا رفض الطلب | الكليان ديال الموقع | الحماية ديال المحلات و السائقين: تحذير ف المرة اللولة، و الرقم كيتوقف ف المرة الثانية |
المتصفح ديال الكليان: كنحفظو غير «الطلبات ديالي» (رابط سري ديال التتبع) ف المتصفح، باش الكليان يلقى الطلب ديالو و الكود ديال التسليم ملي يرجع للموقع. ما كنستعملوش كوكيز ديال الإشهار ولا ديال التتبع، و ما كنبيعو حتى معطى.
إلا بدلنا شي حاجة مهمة، غادي نعلموك داخل التطبيق قبل ما يدخل التغيير حيز التنفيذ، و غادي نطلبو منك توافق من جديد.
الخصوصية: [email protected]
الدعم: [email protected]
Fawlo — التوصيل ساهل · آخر تحديث: 6 نونبر 2026